CHARLA DE IVÁN LORENZO POUSADA (MANTEMENTO INDUSTRIAL)

Iván Lorenzo Pousada é un antigo alumno do IES García Barbón que tivo a ben colaborar no Proxecto ATEI -A Túa Experiencia Interesa-.

 Á esquerda Iván Lorenzo e á dereita Benito Fernández (Xefe do Departamento de Mantemento Industrial).

Iván Lorenzo estudou fóra de Verín un Ciclo Superior da súa especialidade e ten experiencia laboral en Compresores e na Enerxía Eólica, viaxando habitualmente por España e polo estranxeiro.  Considera que estudar e traballar  fóra de Verín é unha experiencia moi interesante tanto persoal como laboralmente.

Iván puxo moito énfase en destacar a enorme importancia de adquirir unha boa base teórica inicial e do interese xeral das empresas nas que traballou en dúas cuestións:

                    - Saber estar e facer ben o traballo.
                    - Desenvolverse con habilidade no traballo en equipo.

Actualmente, comezou unha nova andaina laboral como autónomo en Verín.

O alumnado estivo moi atento as súas explicación e fixo moitas preguntas.

Moitísimas grazas pola túa colaboración!

                   

JULIÁN BARRIO E LOURDES DE GIL FALAN PARA O ALUMNADO DE CAE

Julián Barrio Rúa e Lourdes de Gil Gago -antigos estudantes do IES García Barbón-  estiveron impartindo unha moi útil e interesante charla informativa sobre a súa experiencia académica e laboral a que asistiron os estudantes de Coidados Auxiliares de Enfermaría (CAE).

 

Destacaron, entre outras cuestións, a necesidade de ter vocación de servizo aos doentes e de realizar un traballo profesional que vai ligado a un proceso de aprendizaxe permanente.

Quero aproveitar para felicitar ao alumnado de CAE  xa que estivo moi atento e interesado durante a sesión e fixo moitas preguntas. 

 Moitísimas grazas ós dous pola súa colaboración!

IAGO PAREDES BARROS CONTA A SÚA EXPERIENCIA LABORAL

O Xefe do Departamento de Automoción José Luís Fernández Sampedro,presenta a Iago.

O antigo alumno do noso centro Iago Paredes Barros, que  traballa en Talleres Agripino  de Verín (RENAULT) tivo  a ben colaborar co noso Proxecto ATEI -A Túa Experiencia Interesa- e estivo no salón de actos explicando a súa traxectoria académica e laboral ao alumnado do Ciclo Medio de Automoción e do Programa de Cualificación Profesional Inicial (PCPI). 

Entre outras interesantes aportacións que nos facilitou, destacamos o fincapé que fixo na importancia dos coñecementos teóricos que se deben adquirir na formación que se leva a cabo no IES García Barbón. Animou aos estudantes en formación a realizar con moito entusiasmo e motivación a súa formación práctica nos talleres xa que a considera unha ponte para insertarse no mundo laboral.

O alumnado asistente atendeu con moita atención as explicacións de Iago e fixo moitas preguntas.

Moitas grazas a Iago pola súa colaboración e parabéns para o alumnado polo seu interese, saber estar e participación activa nesta actividade.